Saxofoia

Saxofoia ('saxo' gisa ere ezaguna), zurezko haize-instrumentu familiako musika tresna konikoa da; oro har, letoizkoa, eta, klarinetea bezala, ahokadura bat dauka, mihi bakun bat dauka. Adolphe Sax-ek asmatu zuen 1840ko hamarkadaren hasieran. Saxofoiak herri-musikari, big band eta jazz-musikari lotua ageri da eskuarki.

Ez dakigu zerk inspiratu zuen Sax instrumentu hori sortzeko, baina zabalduen dagoen teoriak dio klarinetean oinarrituta (hark jotzen zuen musika-tresna) metaleko instrumentu baten indarra eta zurezko baten ezaugarri akustikoak izango zituen instrumentu bat sortzea bururatu zitzaiola, "metalezko klarinete" antzeko bat.